“ИНСОН, УНИНГ ЭЪТИҚОДИ, ЖАМИЯТ, КОИНОТ: ТАРАҚҚИЁТИ МУАММОЛАРИ ВА ҲОЗИРГИ ЗАМОН” мавзусида илмий-назарий семинар бўлиб ўтди

 “ИНСОН, УНИНГ ЭЪТИҚОДИ, ЖАМИЯТ, КОИНОТ: ТАРАҚҚИЁТИ МУАММОЛАРИ ВА ҲОЗИРГИ ЗАМОН” мавзусида илмий-назарий семинар бўлиб ўтди.

2015 йил 30 сентябрь куниАлишер Навоий номидаги Ўзбекистон миллий кутубхонасида Имом  Бухорий халқаро маркази, Алишер Навоий номидаги Ўзбекистон миллий кутубхонаси, Мирзо Улуғбек номидаги Ўзбекистон миллий университети, Алишер Навоий номидаги Самарқанд давлат университети, Ўзбекистон файласуфлари миллий жамияти ҳамкорликда “Инсон, унинг эътиқоди, жамият, Коинот: тараққиёти муаммолари ва ҳозирги замон” (“Человек, его вера, социум, Вселенная: проблемы развития и современность”) мавзусида илмий-назарий семинар ўтказди.

 Илмий-назарий семинар ҳозирги пайтда бутун Коинот ва Ер шари миқёсида яъни глобал миқёсда рўй бераётган табиий-илмий,  ижтимоий-иқтисодий ва маънавий-аҳлоқий жараёнларни онтологик, гносеологик ва маънавий-маърифий нуқтаи назардан фалсафий ва мантиқий таҳлил этиш масалаларига ҳамда Имом  Бухорий халқаро маркази директори ўринбосари, Самарқанд давлат университети профессори, Ўзбекистон миллий университети қошидаги Фалсафий тадқиқотлар ўқув-илмий комплекси етакчи илмий ходими, фалсафа фанлари доктори, профессор Бахтиёр Оманович Тураев таваллудининг 65 йиллигига бағишланади.

Семинарнинг асосий мақсади ёшларда фалсафий тафаккур маданиятини вужудга келтириш, уларни ҳозирги пайтда илм-фан тараққиётида эришилаётган янгиликлар, янги концепциялар ҳақидаги билимлар билан қуроллантириш ва бу билимларни фалсафий таҳлил этиш малакалари билан таништириш, жаҳонда рўй бераётган ижтимоий, иқтисодий, маънавий жараёнларни тўғри таҳлил қилиш кўникмаларини тарбиялаш, Коинот, жамият, инсон ва унинг эътиқоди ҳақидаги дунёқарашини кенгайтириш, Она Ватанга, маънавий меросимизга, тарихий қадриятларга садоқатини кучайтириш асосида ватанпарварлик туйғуларини ўстириш, маънавий таҳдидларга нисбатан мафкуравий иммунитетини шакллантириш каби масалалардан иборат бўлди.

Семинар кун тартибида қуйидагийўналишлар бўйича: Онтология, гносеология, мантиқ масалалари, Космология, фазо-вақт ва  табиатшунослик фалсафаси масалалари, Илмий-маънавий мерос ва фалсафа тарихи масалалари, Инсон ва жамият тараққиётининг долзарб масалалари, Маънавият, миллий ғоя, диншунослик ва бағрикенглик масалалари, Инсон, унинг эътиқоди, жамият, миллий хавфсизлик масалалари ва Таълим тизими ривожи ва истиқболи масалалари юзасидан илмий маърузалар тингланди.

Семинарда республикамизда таниқли бўлган фан арбоблари, таниқли тарихчилар, филологлар, файласуфлар, сиёсатшунослар, диншунос олимлар, зиёлилар, мустақил тадқиқотчилар ва бир гуруҳ талаба ёшлардан иборат жами 100 кишидан ортиқ қатнашчилар иштирок этишди.

Семинарни Имом Бухорий халқаро маркази директори тарих фанлари номзоди Шовосил Зиёдов Юнусович очиб, семинар иштирокчилари ва меҳмонларга ўз миннатдорчилигини билдириб ўтди. Семинарни ўтказилиши ва ташкилий ишларида яқиндан ёрдам берган Алишер Навоий номидаги Ўзбекистон миллий кутубхонаси раҳбариятига ташаккур изҳор этди. Семинар аввалида Ўзбекистон мусулмонлари идораси раиси, муфтий Усмонхон Алимов, Ўзбекистон Республикаси миллий-маданий марказлар байналмилал маркази раҳбари Муҳаммадиев Насриддин Мисриддинович, Ўзбекистон мусулмонлари идораси раиси ўринбосари Абдулазиз Мансуровлар сўзга чиқдилар. Илмий-назарий семинарни  Шовосил Зиёдов Юнусович олиб борди.

Ялпи мажлисда Имом Бухорий халқаро маркази директори тарих фанлари номзоди Шовосил Зиёдов Юнусович, Халқаро информатизация академияси академиги, “Абу Райҳон Беруний авлодлари” жамғармаси кенгаши аъзоси, Тошкент давлат техника университети профессориКаримов Бахтиёр Раҳманович,Самарқанд давлат университети профессорифалсафа фанлари доктори Жўрабек Яхшилиқов Яхшилиқович, Ўзбекистон Республикаси Соғлиқни сақлашвазирлиги маънавият ишлари бўйича бўлим бошлиғи фалсафа фанлари доктори, профессор Урал Абилов Мурадович, сиёсий фанлар доктори, профессорНарзулла Жўраев Қосимович ваИмом  Бухорий халқаро маркази директори ўринбосарифалсафа фанлари доктори, профессор Бахтиёр Тураев Омановичлар сўзга чиқишди.

Шунингдек, семинарда Имом  Бухорий халқаро маркази директори ўринбосарифалсафа фанлари доктори, профессор Бахтиёр Тураев Омановичнинг 3 томдан иборат “Танланган асарлар” китобининг презентацияси бўлиб ўтди.

Семинар сўнгида иштирокчилардан Гулсанам Тиллаева, СамДу ректори Олимжон Холмуҳаммедов номидан Фазилат Қўчқорова ва шоир Азим Суюнов ва бошқалар сўзга чиқиб, ўзларининг илиқ фикрларини билдириб ўтдилар.

Семинар жараёни Ўзбекистон телевидениеси оммавий ахборот воситалари ходимлари томонидан суратга олиниб, семинар иштирокчиларидан ўтказилган илмий-малий анжуман тўғрисида суҳбатлар ташкил этилди.

Семинарда ёшлар тарбияси, илм-фан тараққиёти, инсон ва унинг эътиқоди моҳияти тўғрисида илмий маърузалар тингланди. Бугунги таҳликали ва ҳар хил мафкуравий таҳдидларни олдини олишда илм-фаннинг ўрни ва олимларни вазифалари хусусида фикр юритилди. Мазкур илмий-амалий анжуман қизиқарли ва илмий-ижодий баҳсларга бой семинар сифатида ўтказилди.