Имом Термизийнинг “Ал-жомиъ ас-саҳиҳ” асари

Асарнинг яхши сақланган айрим қўлёзма нусхаларида унинг номи “Ал-жомиъул мухтасар минас сунани ан Расулиллаҳи (с.а.в.) ва маърифатус саҳиҳ вал маълули ва маа алайҳил амал”, деб ёзилганини кўриш мумкин. Бу асар қисқа қилиб “Ал-жомиъ” деб аталади.

Имом Термизийнинг ҳаёти ва илмий фаолияти

Имом Абу Исо Муҳаммад ибн Исо ибн Савра ибн Мусо Суламий Термизий 209/824 йилда Термиз шаҳрида таваллуд топган. У жуда ёшлигидан бошлаб илм талабида бўлган. Унинг шайхлари орасидан энг биринчиси Абу Жаъфар Муҳаммад ибн Жаъфар Симноний (ваф. 220/835 й.дан олдинроқ)дир.

Қизлар ва опа сингилларга яхшилик қилиш

1916- عَنْ أَبِى سَعِيدٍ الْخُدْرِىِّ قَالَ: قَالَ رَسُولُ اللَّهِ صلى الله عليه وسلم: « مَنْ كَانَ لَهُ ثَلاَثُ بَنَاتٍ أَوْ ثَلاَثُ أَخَوَاتٍ أَوِ ابْنَتَانِ أَوْ أُخْتَانِ فَأَحْسَنَ صُحْبَتَهُنَّ وَاتَّقَى اللَّهَ فِيهِنَّ فَلَهُ الْجَنَّةُ ».

Абу Саид Худрий розияллоҳу анҳудан ривоят қилинади:

Пайғамбар соллаллоҳу алайҳи васаллам дедилар: “Кимнинг уч нафар қизи ёхуд уч нафар опа-синглиси ёки икки нафар қизи ёхуд икки нафар опа-синглиси бўлса-ю, уларга гўзал муомала қилиб, улар ҳақларида Аллоҳдан тақво қиладиган бўлса, унинг учун жаннат бордир”[1].

Ўзига раво кўрганини ўзгаларга ҳам раво кўриш

عَنْ أَنَسٍ عَنِ النَّبِىِّ صلى الله عليه وسلم قَالَ لاَ يُؤْمِنُ أَحَدُكُمْ حَتَّى يُحِبَّ لأَخِيهِ مَا يُحِبُّ لِنَفْسِهِ.

Анас розияллоҳу анҳудан ривоят қилинади: Расулуллоҳ  соллаллоҳу алайҳи васаллам: “Сизлардан бирортангиз ўзи учун яхши кўрган нарсани биродари учун ҳам раво кўрмагунича (комил) мўмин бўла олмайди”, дедилар[1].