Махмуд Замахшарий

 Имом Бухорий Халқаро маркази, Хоразм Маъмун академияcи, Урганч давлат университети, “Абу Райҳон Беруний авлодлари” жамғармаси, Тошкент давлат техника университети, Ўзбекистон Миллий университети, Республика байналмилал маданият маркази, Алишер Навоий номидаги Ўзбекистон миллий кутубхонаси ҳамкорликда 2015 йил 18-19 мартда Алишер Навоий номидаги Ўзбекистон миллий кутубхонаси, Имом Бухорий Халқаро маркази ва Хоразм Маъмун академияcида “Маҳмуд Замахшарий мероси ва ҳозирги замон” мавзусида илмий-назарий семинар ўтказадилар.

 Илмий-назарий семинар халқимиз даҳоларидан бири, буюк тилшунос, қомусий олим, мутафаккир Маҳмуд Замахшарий таваллудининг 940 йиллигига бағишланади.

Семинар ишининг йўналишлари:

1. Маҳмуд Замахшарий ҳаёти ва меросини ўрганиш масалалари;

2. Маҳмуд Замахшарий мероси ва филология ривожи;

3. Маҳмуд Замахшарий мероси ва диншунослик фанлари тараққиёти;

4. Маҳмуд Замахшарий мероси ва маънавият, ижтимоий-гуманитар ва фалсафий фанлар ривожи.

Семинар материаллари нашр қилиниши режалаштирилмоқда. Матнлар ҳажми 2-8 бет, компьютерда терилган шаклда қабул қилинади (Times New Roman, 14 шрифт, 1,5 интервалда, барча ҳошиялар 2 см., ҳаволалар ҳар бетда пастда алоҳида номерланиб келтирилади). Матнлар ўзбек, рус ва инглиз тилларида 2015 йилнинг 25 февралга қадар қуйида кўрсатилган электрон адреслар орқали қабул қилинади.

Маълумотингизни кўрсатилган электрон адресларга жўнатганингиздан сўнг, кўрсатилган телефонлар орқали алоқа боғлашингизни сўраймиз.

Мавзунинг номи катта ҳарфлар билан қорайтириб, қаторнинг ўртасида автоматик тарзда ёзилади, кейинги қаторга маърузачининг фамилияси ва инициаллари, кейинги қаторга илмий даражаси, илмий унвони, ундан кейинги қаторга унинг иш жойи ва лавозими ёзилади. Агар муаллифлар бир нечта бўлса кейинги муаллифлар ҳақида маълумотлар худди биринчи муаллиф ҳақида берилган маълумот каби кейинги қатордан берилади.

Муаллиф ҳақида маълумотнома (Ф.И.О., илмийдаражаси, илмий унвони, иш жойи ва лавозими, уй адреси, уй ва уяли телефонлари, электрон адреси кўрсатилган ҳолда) файл оҳирида алоҳида бетдан бошлаб келтирилади ва ушбу саҳифа матн ҳажмига кирмайди.

Матнлар юқори илмий даражада ёзилиши керак ва шакл жиҳатидан кўрсатилган талабларга мос бўлиши шарт.

Семинарда иштирок этиш масалалари бўйича профессор Каримов Бахтиёр Раҳманович (Тел.: +998935655751; электрон адрес: Этот адрес электронной почты защищен от спам-ботов. У вас должен быть включен JavaScript для просмотра. ) ва Узақов Зафар (Тел.: 0366 673-31-71; +998933502834. Электрон адрес Этот адрес электронной почты защищен от спам-ботов. У вас должен быть включен JavaScript для просмотра. ; Этот адрес электронной почты защищен от спам-ботов. У вас должен быть включен JavaScript для просмотра.  ) билан мулоқот қилиш мумкин.