"Инсон, унинг эътиқоди, жамият, Коинот: тараққиёти муаммолари ва ҳозирги замон"

11 ИЮНДАГИ ТАДБИР 30 СЕНТЯБРГА КЎЧИРИЛДИ!!!! 

 Имом  Бухорий Халқаро маркази, Самарқанд давлат университети, Ўзбекистон файласуфлари миллий жамияти, Ўзбекистон фалсафа жамияти, Ўзбекистон миллий университети Фалсафа факультети қошидаги Фалсафий тадқиқотлар ўқув-илмий комплекси, Алишер Навоий номидаги Ўзбекистон миллий кутубхонаси ҳамкорликда 2015 йил 30 сентябрда Алишер Навоий номидаги Ўзбекистон миллий кутубхонасида «Инсон, унинг эътиқоди, жамият, Коинот: тараққиёти муаммолари ва ҳозирги замон» (“Человек, его вера, социум, Вселенная: проблемы развития и современность”) мавзусида илмий-назарий семинар ўтказадилар. 

 Илмий-назарий семинар Имом  Бухорий халқаро маркази директори ўринбосари, Самарқанд давлат университети профессори, Ўзбекистон миллий университети қошидаги Фалсафий тадқиқотлар ўқув-илмий комплекси етакчи илмий ходими, фалсафа фанлари доктори, профессор Бахтиёр Оманович Тураев таваллудига бағишланади.

Семинар ишининг йўналишлари:

1) Профессор Б.О.Тураевнинг илмий, ижтимоий ва педагогик фаолияти ҳақида;

2) Онтология, гносеология, мантиқ масалалари;

3) Космология, фазо-вақт ва  табиатшунослик фалсафаси масалалари;

4) Илмий-маънавий мерос ва фалсафа тарихи масалалари;

5) Инсон ва жамият тараққиётининг долзарб масалалари;

6) Маънавият, миллий ғоя, диншунослик ва бағрикенглик масалалари;

7) Инсон, унинг эътиқоди, жамият, миллий хавфсизлик масалалари;

8) Таълим тизими ривожи ва истиқболи масалалари.

Семинар материаллари нашр қилиниши режалаштирилмоқда. Мақола ва тезислар ҳажми 3-5 бет, компьютерда терилган шаклда қабул қилинади (Times New Roman, 14 шрифт, 1,5 интервалда, барча ҳошиялар 2 см., ҳаволалар ҳар бетда пастда алоҳида номерланиб 11 шрифтда келтирилади). Матнлар ўзбек, рус ёки инглиз тилларида 2015 йилнинг 20 июлига қадар қуйида кўрсатилган электрон адреслар орқали қабул қилинади. Мавзунинг номи катта ҳарфлар билан қорайтириб, қаторнинг ўртасида автоматик тарзда ёзилади, кейинги қаторга ўнг томондан текислаб, маърузачининг фамилияси ва инициаллари, ундан кейинги қаторга илмий даражаси, илмий унвони, ундан ҳам кейинги қаторга  унинг иш жойи ва лавозими ёзилади. Агар муаллифлар бир нечта бўлса, кейинги муаллифлар ҳақида маълумотлар худди биринчи муаллиф ҳақида берилган маълумот каби кейинги қатордан берилади. Маъруза матнидан сўнг янги саҳифадан бошлаб муаллиф ҳақидаги маълумотнома (Фамилияси, исми, отасининг исми, илмийдаражаси, илмий унвони, иш жойи ва лавозими, уй адреси, уй ва уяли телефон рақамлари, электрон адреси кўрсатилган ҳолда) илова қилиниши шарт ва у тезислар ҳажми ҳисобига киритилмайди. Мақола ва тезислар юқори илмий даражада ёзилиши керак ва шакл жиҳатидан кўрсатилган талабларга мос бўлиши лозим.

 Семинарда иштирок этиш масалалари бўйича профессор Каримов Бахтиёр Раҳманович (Тел.: +998935655751; электрон адрес:  This email address is being protected from spambots. You need JavaScript enabled to view it. ва Узоқов Зафар  (Тел.: 0366 673-31-71; +998933502834. Электрон адрес imambukhari@mail.ru; imambukhari@umail.uz; ) билан мулоқот қилиш мумкин.