لباب الحديث (Лубоб ал-ҳадис)

Ҳофиз Жалолуддин Абдурраҳмон ибн Абу Бакр ас-Суютий (841/1437-911/1505).

Ҳадис. Асар Жалолиддин Суютий (849-1445/911-1505)нниг “Лубоб ал-ҳадис” асари бўлиб, асли 40 бобдан иборат. Мазкур қўлёзмада 33 боб келтирилган. Асар “Ла илаҳа иллалоҳ” ва “Бисмиллоҳ” калималарининг ҳамда намоз, иймон, таҳорат каби амалларнинг фазилатлари, шунингдек, ислом динида ҳаром қилинган зино ва хамр каби амалларнинг зарарлари ҳақидаги ҳадислар бобларга ажратилган ҳолда келтирилган.

Нусха тўлиқ :

تلخيص المفتاح (Талхис ал-мифтоҳ)

Муаллифи: Жалолиддин Муҳаммад ибн Абдураҳмон Қазвиний (ваф. 739/1339 й.) 

Балоғат.. Асар Абу Яъқуб Юсуф Саккокийнинг “Мифтоҳ ал-улум” асарининг учинчи қисмига ёзилган шарҳдир. У балоғат илмига, яъни, Қуръон оятларининг маънодаги балоғати, фасоҳат илми, сўздаги маъноларнинг теранлиги каби мавзу ва бобларга ажратилиб берилган. Шунингдек, асарда саҳоба ва ундан кейинги олимларнинг шу илмга тааллуқли сўзлари баён этилган. Асарда араб тилида камдан кам учрайдиган балоғат ва фасоҳат қоидаларига риоя қилган ҳолда ибораларнинг келиши Қуръон оятлари мисолида грамматик тарзда муфассал таҳлил қилинган.

Нусха тўлиқ.

آداب المتعلمين (Адаб ал-мутаъаллимийн)

آداب المتعلمين (تعليم المتعلم لتعلم طريق العلم)

Адаб ал-мутаъаллимийн (= Таълим ал-мутаъаллим ли-таъаллум ториқ ал-илм).

Муаллифи: Бурҳониддин Али ибн Абу Бакр ал-Зарнужий (ваф. 620/1223 й.).

Ахлоқ.. Асар панднома асосида ёзилган рисола бўлиб, 14 бобга бўлинган. Унда ўқувчиларнинг таълим олиши, одоб-ахлоқи, таълим олишда устоз танлаш, хотирани ошириш йўллари ва тиббиётга оид маълумотлар баён этилган.

Нусха тўлиқ эмас.

شرح حكمت العين (Шарҳ ҳикмат ал-айн)

Муаллифи: Шамсиддин Муҳаммад ибн Муборак Шоҳ Бухорий (в. 1^б) (ваф. 740/1340  й.).

Мантиқ.  Асар мантиқ илмига оид бўлиб, Нажмиддин Котибийнинг “Ҳикмат ал-айн” асарига ёзилган шарҳ. Асар ўрта аср мадрасаларда жуда машҳур ҳисобланиб, мантиқ илмидан асосий дарслик сифатида фойдаланилган.

Нусха тўлиқ.